Kriştiano Ronaldonun sabiq komandası “Yuventus”la müqaviləsinin maliyyə detalları araşdırılır.

Apasport.az saytının məlumatına görə, Turin klubunun ötən il pandemiya dönəmində portuqaliyalı superulduza ödənişləri maliyyə hesabatlarına əlavə etmədən ödədiyi iddia olunur.

İstintaq 2020-ci ilin mart-aprel aylarına əsasən aparılır. “Qoca sinyora”nın koronavirus pandemiyası səbəbindən futbolçuların maaşlarını azaltması və təxirə salması ilə bağlı telefon danışıqları ələ keçirilib. Ronaldonun müqaviləsindəki məbləğlə telefon danışığında deyilən rəqəmlər müqayisə edilir. A seriyası təmsilçisində illik qazancı 31 milyon avro olan Kriştiano Ronaldo bu yay “Mançester Yunayted”ə keçib.

Qeyd edək ki, “Yuventus” rəhbərliyi 2018-2021-ci illərlə bağlı yalan məlumat verməkdə şübhəli bilinir. Onların 50 milyon avroluq maliyyə məlumatlarını saxtalaşdırdıqları iddia olunur. Bu məsələ təsdiqini taparsa, klub B seriyasına göndərilə bilər.
 

• Harri Keyn Çempionlar Liqasında tarix yazdı – Ronaldonun rekorduna yaxınlaşır
• “Milan”ın futbolçusu əməliyyat olundu
• “Sabah”ın qələbəsi Azərbaycanı UEFA reytinqində yüksəltdi
• Yamaldan “Qalatasaray” etirafı: “İkinci qolları ləğv edilməsəydi...”
• Okan Buruk futbolçularını tənqid etdi: “Oyunu daha yaxşı oxumalıdırlar”