İtaliyanın “Yuventus” klubunun futbolçusu Kriştiano Ronaldonu heyətində görmək istəyən komandalardan biri məlum olub.

Apasport.az saytının məlumatına görə, A seriyası təmsilçisinin yayda satmaq niyyətinə düşdüyü portuqaliyalı hücumçu karyerasını ABŞ-da davam etdirə bilər.

MLS təmsilçisi “İnter Mayami” yayda forvardı heyətinə qatmaq fikrindədir. Əfsanəvi futbolçu Devid Bekhemin sahibi olduğu klub artıq Ronaldo ilə bağlı təmasa keçib.

36 yaşlı futbolçunun müqaviləsi 2022-ci ilin yayında başa çatmalıdır. Onun ildə 31 milyon avro qazanması “Yuventus”un da satışda maraqlı olmasına əsas verir.

Qeyd edək ki, Ronaldo cari mövsüm 32 oyunda 27 qol vurub.
 

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə