İraq millisinin hücumçusu Aymen Hüseyin ABŞ-da problemlə üzləşib.

Apasport.az xəbər verir ki, iraqlı futbolçu Çikaqodakı O'Hare hava limanında ABŞ rəsmiləri tərəfindən 7 saat sorğu-sual olunub.

Aymen Hüseyin yığma ilə birlikdə 2026-cı il dünya çempionatında iştirak etmək üçün ABŞ-a yollanıb.

Məlumata görə, onun saxlanılmasına şəxsiyyət qarışıqlığı səbəb olub. Rəsmilər futbolçunun kimliyini dəqiqləşdirəndən sonra problem aradan qalxıb və onun ölkəyə girişinə icazə verilib.

Qeyd edək ki, İraq millisi 2026-cı il dünya çempionatının I qrupunda Fransa, Norveç və Seneqalla mübarizə aparacaq.

Xatırladaq ki, Aymen Hüseyin komandası adına mundiala vəsiqə qazandıran qolu vurmuşdu.

• Vinçenzo İtaliyano "Beşiktaş"da - Rəsmi
• Toraldan sonra fransız vinger: "Bursaspor" iddialıdır
• DÇ 2026: Almaniyanın heyətində dəyişiklik
• DÇ öncəsi Fransada kriz: Yenə Mbappe...
• Perezdən seçki vədi – Olise üçün 150 milyon avro