Fransa millisinin kapitanı Kilian Mbappe komandanın fiziki hazırlıq məşqçisi Siril Muan barədə zarafat edib.

Apasport.az xəbər verir ki, 27 yaşlı hücumçu dünya çempionatı öncəsi məşqlərin ağır keçdiyini bildirib.

Mbappe Muanın futbolçuları xeyli qaçırdığını deyib:

“Əclaf bizi orada xeyli qaçırtdı. Amma dünya çempionatına hazır olacağıq”.

Fransa mətbuatının yazdığına görə, yığmanın Klervontendəki hazırlıq prosesində əsas diqqət fiziki formanın bərpasına yönəlib.

Futbolçular Siril Muanın rəhbərliyi altında intensiv qaçış və dözümlülük məşqləri keçiblər.

“L’Équipe” Mbappenin toplanışda həm fiziki, həm də psixoloji cəhətdən yaxşı durumda olduğunu yazıb.

Didye Deşam da onun “fiziki və psixoloji cəhətdən əla formada” olduğunu bildirib. 

Qeyd edək ki, Fransa millisi DÇ-2026-da I qrupunda Seneqal, İraq və Norveçlə mübarizə aparacaq. Komanda ilk oyununu iyunun 16-da Seneqala qarşı keçirəcək.

• Taremidən DÇ narazılığı: "Birlik və mehribanlıq hiss etmirəm"
• Şenol Günəşdən etiraf: "Deyirlər, get, nəvələrinlə oyna"
• Əfsanələr matçı: “Real” “İnter”i məğlub etdi - Emre də meydana çıxdı
• Qakpo üçün 70 milyonluq təklif - Nəhənglər də onu istəyir
• Mourinyodan ilk həmlələr: İki futbolçunu göndərir