Hazırda karyerasını doğma klubu “Santos”da davam etdirən ulduz futbolçu Neymar keçmişi ilə bağlı bir sıra açıqlamalar verib.

Apasport.az xəbər verir ki, Braziliya millisinin üzvü “Barselona”ya transferindən əvvəl “Real Madrid”in onunla görüşdüyünü bildirib:  

"Real”ın təklifi boş çek idi. Mənə dedilər ki, hansı məbləği istəsəm ora yaza bilərəm. Amma mən "Barselona"nı bütün qəlbimlə sevirdim. "Real Madrid"də oynasaydım, daha çox pul qazana bilərdim. Amma mən Messi ilə birlikdə çıxış etmək istəyirdim".

33 yaşlı vinger Pep Qvardiolanın onu “Bavariya”ya transfer etmək istədiyini dilə gətirib:

“Bir gün evə gələndə qapını açdım, atam, Qvardiola və tərcüməçi orada idi. Pep mənim otağımda oturmuşdu və "Səni getdiyim komandaya (“Bavariya”) aparmaq istəyirəm" - demişdi. Hələ o vaxt “Barsa” ilə razılaşmamışdıq”.

Qeyd edək ki, Neymar karyerası ərzində “Santos”, “Barselona”, PSJ və “Əl-Hilal” kimi komandaların şərəfini qoruyub.

• "Zibil kimi, zədəli futbolçular alıb "Beşiktaş"ı biabır etdiniz" - Sabiq prezidentdən şok iddialar
• Suarez Messinin yoxluğunu doldurdu - 1 qol, 3 məhsuldar ötürmə
• "Mançester Yunayted" "İnter"in ən yaxşı futbolçusunu almaq istəyir
• Günün canlı yayımlanacaq matçları bu kanallarda
• "Qalatasaray"lıları əsəbiləşdirən hərəkət: "Kasımpaşa" oyundan sonra... - VİDEO