UEFA Çempionlar Liqasının Liqa mərhələsinin son oyununda "Atletiko" səfərdə Avstriyanın “Zalsburq” klubunu 4:1 hesabı ilə məğlub edib.

Apasport.az xəbər verir ki, "Atletiko Madrid"in hücumçusu Antuan Qrizmann bu matçda dublla yadda qalıb. 

Bu nəticədən sonra fransalı hücumçu klub tarixinə düşüb. 

Qrizmann klub tarixində UEFA Çempionlar Liqasında 50-dən çox qola töhfə verən ilk futbolçu olub.

Futbolçu Madrid klubu ilə Çempionlar Liqasında 81 matça çıxıb, 38 qol vurub, 13 asist edib. 

33 yaşlı fransız "Atletiko" ilə 2026-cı ilin iyun ayının sonuna qədər müqavilə bağlayıb. Təcrübəli hücumçunun transfer dəyəri 22 milyon avro olaraq qiymətləndirilir.

• “Feyenoord”dan qırılması mümkünsüz ANTİREKORD
• “Leypziq” Xavini transfer etdi - rəsmi
• Ziyeş “Al-Duhail”də - Rəsmi
• Şkriniar rəsmən "Fənərbaxça"da
• “Əl-İttifaq” Cerrardı göndərdi - rəsmi