İngiltərə Premyer Liqasının XII turunda “Tottenhem”lə keçirilən oyunda “Mançester Yunayted”in hücumçusu Kriştiano Ronaldo intizamsız davranışa əl atıb.

Apasport.az saytının məlumatına görə, portuqaliyalı superulduz matçın sonunu gözləmədən arenanı tərk edib.

Qarşılaşma boyu ehtiyat oyunçular skamyasında oturan 37 yaşlı forvard 90-cı dəqiqədə icazəsiz oranı tərk edərək paltardəyişmə otağına yollanıb. “Qırmızı şeytanlar”ın baş məşqçisi Erik ten Haq isə bununla bağlı Ronaldo ilə söhbət aparılacağını açıqlayıb. Çalışdırıcı həmçinin ön xətdə niyə Ronaldoya deyil, Markus Reşforda etibar etməsinin səbəbini də deyib: “Tottenhem”ə qarşı yaxşı pressinq lazım idi. Ön xətdə təzyiq edən oyunçu olmalı idi. Çünki bunun nəticəsində şanslar yaratmaq mümkün olur. Hücumda dinamika lazım idi, bunu da Markus yaxşı bacarır”.

Qeyd edək ki, “Mançester Yunayted” “Tottenhem” üzərində 2:0 hesablı qələbə qazanıb.
 

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA