Bakı. Aqşin Əliyev-APA-Sport. Taekvondo üzrə kişi və qadınlardan ibarət Azərbaycan milli komandası Avropa çempionatında iştirak etmək üçün bu gün İtaliyanın paytaxtı Romaya yollanıb. “APA-Sport” agentliyinin məlumatına görə, qitə birinciliyində ölkəmizin şərəfini 14 idmançı qoruyacaq. Aprelin 10-da startı veriləcək yarışda kişilərdən Vüqar Kərimov (54 kq), Elnur Amanov (58 kq), Rövşən Məmmədov (62 kq), İlkin Şahbazov (67 kq), Niyaməddin Paşayev (72 kq) Elvin Məmmədov (78 kq), Təvəkkül Bayramov (84 kq) və Vüqar Məcidov (+84 kq) çıxış edəcək. Xanım taekvondoçularımızdan isə Şəhrun Yusifova (47 kq), Leyla Yusubova (51 kq), Nigar Hacıyeva (55 kq), Səbinə Mikayılova (59 kq), Günay Ağakişiyeva (63 kq) və Yelena Abbasova (68 kq) qüvvəsini sınayacaq. Bundan başqa, Pekin Yay Olimpiya Oyunlarına lisenziya qazanmış yeganə taekvondoçumuz Rəşad Əhmədov da Romaya yollanıb. Lakin 26 yaşlı taekvondoçu döşək üzərinə çıxmayaraq, olimpiadadakı potensial rəqiblərinin görüşlərini izləyəcək. Avropa çempionatına aprelin 13-də yekun vurulacaq.

• Bakıda Padel tennis üzrə beynəlxalq yarışın qalibləri mükafatlandırılıb
• ABŞ-də yaşayan azərbaycanlı peşəkar hokkeyçidən Bakıda ustad dərsi
• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək