Bakı. Elşən Məmmədov-APA-Sport. Azərbaycanın sambo yığma komandası aprelin 12-dən təlim-məşq toplantısına yığışacaq. Bu haqda «APA-Sport» agentliyinə millimizin baş məşqçisi Mübariz İbrahimov məlumat verib. Onun sözlərinə görə, iki həftə davam edəcək toplanış aprelin 29-da Gürcüstanın paytaxtı Tbilisidə start götürəcək Avropa çempionatına hazırlıq xarakteri daşıyacaq. Təlim-məşq prosesinə 18 samboçu qatılacaq. Onlar Müdafiə Nazirliyinin Goradil istirahət mərkəzində məşğul olacaqlar: «Bu məkanı özüm seçmişəm. Orada təlim-məşq toplantısı üçün çox yaxşı şərait var. Yalnız sambo döşəkləri yoxdur ki, onu da öz imkanlarımız hesabına həll edəcəyik».
Qeyd edək ki, Avropa çempionatına mayın 1-də yekun vurulacaq.

• Kamandan oxatma üzrə Azərbaycan birinciliyi və çempionatı yekunlaşıb - FOTO
• Natiq Fazilov: “Məqsədimiz MDB Oyunlarında ən azı iki medal qazanmaqdır”
• Anar Quliyev: “Kamandan oxatma üzrə yarışlar gələcəkdə rayonlarda da keçirilə bilər”
• Bakıda Kamandan Oxatma üzrə Ölkə Birinciliyinin final mərhələsi keçirilir - FOTO
• "Təhlükəsiz idman hamı üçün" mövzusunda keçirilən seminara yekun vurulub