Bakı. Kənan Həsənov – APA-Sport. Azərbaycanın 20 yaşadək basketbolçu oğlanlardan ibarət milli komandasının Rumıniyanın Tarqu Mures şəhərində təşkil olunacaq Avropa çempionatının B divizionunda keçirəcəyi oyunların təqvimi müəyyənləşib. “APA-Sport” agentliyinin məlumatına görə, B qrupunda yer alan yığmamız ilk görüşünü avqustun 1-də Almaniyaya qarşı keçirəcək. Oqtay Ağayevin rəhbərlik etdiyi millimiz, həmçinin avqustun 3-də İsveç, 4-də İrlandiya, 5-də Çexiya ilə oynayacaq.
Qeyd edək ki, B divizionunda 4 qrupa səpələnməklə, 19 komanda mübarizə aparacaq. Reqlamentə əsasən, yarışı ilk iki pillədə başa vuran yığmalar nüfuzlu A divizionunda oynamaq hüququ qazanacaq.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib