Bakı. Elşən Məmmədov – APA-Sport. “Qitə birinciliyində məqsədimiz ötən illə müqayisədə daha yaxşı çıxış etməkdir”. Bunu “APA-Sport” agentliyinə açıqlamasında Azərbaycanın karate üzrə milli komandasının baş məşqçisi Hidayət Şabanov deyib. Onun sözlərinə görə, mayın 2-də Estoniyanın paytaxtı Tallində kişi və qadınlar arasında keçiriləcək Avropa çempionatında mümkün qədər çox medal qazanmağa çalışacaqlar. H.Şabanov daha çox Rafael Ağayev (70 kq) və Şahin Atamovdan (75 kq) medal gözlədiyini bildirib: “Ötən il Slovakiyanın paytaxtı Bratislavada keçirilmiş qitə birinciliyində Rafael həm 70 kq-da, həm də açıq çəkidə qızıl medal qazanmışdı. Bu dəfə isə onunla yanaşı, Atamovun da uğurla nəticə göstərəcəyinə inanıram. Digər idmançılarımızdan da qənaətbəxş çıxış gözləyirəm”.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq