Bakı. Kənan Həsənov – APA-Sport. Bolqarıstanın Burqas şəhərində bədii gimnastika üzrə Qran-Pri turnirinin V mərhələsinə yekun vurulub. Azərbaycan Gimnastika Federasiyasının mətbuat katibliyindən “APA-Sport” agentliyinə verilən məlumata görə, bu nüfuzlu yarışda ölkəmizin şərəfini yalnız Dinarə Gimatova qoruyub. Pekin Yay Olimpiya Oyunlarına lisenziya qazanan həmyerlimiz çoxnövçülükdə fəxri kürsüyə yüksələ bilməyib. Buna baxmayaraq, D.Gimatova ayrı-ayrı növlər üzrə mübarizədə bürünc medala sahib çıxıb. Bədii gimnastımız lentlə proqramın ifasına görə hakimlərdən 17,025 xal alıb və 3-cü yeri tutub. Bütün növlər üzrə qızıl medalı belaruslu İnna Jukova əldə edib.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib