Azərbaycan Otüstü Hokkey Federasiyasının mətbuat katibi Yaqub Nuriyevin “APA-Sport” agentliyinə verdiyi məlumata görə, pakistanlı məşqçilər viza ala bilmədiklərindən səfərə çıxmayıblar: “Tahir Zaman və Zahid Əli Pakistan vətəndaşlarıdır. Viza almaq üçün onların sənədləri müvafiq idarəyə təxminən 20 gün əvvəl təqdim olunmalı idi. Əsas diqqətimiz ötən ay Bakıda keçirilən lisenziya xarakterli turnirə yönəldiyindən sənədlər vaxtında verilməmişdi. Bu səbəbdən nə Zamana, nə də Əliyə viza ala bildik”. Federasiya rəsmisi bildirib ki, mayın 9-da start götürəcək Avropa Klub Çempionları Kubokunda “Atasport”a məşqçi Svetlana İşməmmədovanın rəhbərlik edəcəyi gözlənilir. Paytaxt təmsilçisi turnirdə “Volqa Telekom” (Rusiya), “Siaulay” (Litva) və “Hertogenboş”la (Hollandiya) qarşılaşacaq.
Qeyd edək ki, T.Zaman və Z.Əli “Atasport”la yanaşı, Azərbaycan milli komandasında da eyni vəzifəni daşıyırlar.

• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı