Bakı. Aqşin Əliyev-APA-Sport. İranın fiziki qüsurlu cüdoçulardan ibarət milli komandası mayın 10-da Azərbaycana gələcək. Bu haqda “APA-Sport” agentliyinə Milli Paralimpiya Komitəsinin mətbuat katibi İlham Təhməzov məlumat verib. Onun sözlərinə görə, iranlı cüdoçular azərbaycanlı həmkarları ilə birgə Pekin Yay Paralimpiya Oyunlarına hazırlaşacaqlar: “Milli komandamız kimi, İran yığması da paralimpiadaya 7 lisenziya qazanıb. Təlim-məşq toplanışı Sumqayıtda baş tutacaq. Cüdoçularımız bu dəfə sağlam deyil, fiziki qüsurlu rəqiblərlə yoxlama görüşləri keçirmək imkanına malik olacaqlar”. “Dalğa” otelində məskunlaşacaq iranlılar ölkəmizi mayın 20-də tərk edəcəklər.
Qeyd edək ki, Azərbaycan yığması Pekin paralimpiadasında tam heyətlə, yəni 7 cüdoçu ilə təmsil olunacaq.

• “Sıfırı bir etdim” sənədli filminin təqdimatı keçirilib
• Formula 1-in 2027-ci il təqvimi: Azərbaycan Qran-prisinin tarixi bəlli oldu
• Surfkastinq üzrə ölkə çempionatı keçiriləcək
• Yelkən idmanı üzrə açıq Azərbaycan çempionatı başa çatıb
• Azərbaycan komandası Avropa Açıq üzgüçülük yarışında estafetdə birinci olub