Bakı. Elşən Məmmədov-APA-Sport. “Çində baş verən zəlzələ Pekin Olimpiadasına yollanacaq Azərbaycan nümayəndə heyətində heç bir narahatlıq yaratmayıb”. Bunu “APA-Sport” agentliyinə açıqlamasında 2008-ci il Pekin Yay Olimpiya Oyunlarında Azərbaycanın şef de-missionu, Gənclər və İdman Nazirliyinin beynəlxalq əlaqələr şöbəsinin müdiri İlham Mədətov deyib. Onun sözlərinə görə, Çinin Cənub-Qərbindəki Sıçuan əyalətində baş verən zəlzələni yalnız təbiət hadisəsi kimi qəbul etmək lazımdır: “Əgər narahatçılıq varsa, bu, təkcə Azərbaycan yox, bütün dünya ölkələrinin komandaları üçün olmalıdır. Həm də hadisə Çinin paytaxtından kənarda olub. Bu, o demək deyil ki, Pekində də zəlzələ baş verəcək. Fikrimizcə, bu gün nə idmançılar, nə məşqçilər, nə də nümayəndə heyətinin rəhbərliyinin narahatçılığı üçün səbəb var”.
Qeyd edək ki, Pekin Olimpiadasında Azərbaycan 200 nəfərədək nümayəndə heyəti ilə təmsil olunacaq.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib