Bakı. Aqşin Əliyev - APA-Sport. Türkiyənin Konya şəhərində taekvondo üzrə komandalararası Avropa çempionatı keçirilib. “APA-Sport”un məlumatına görə, Azərbaycan yığması yalnız kişilərin yarışında mübarizə aparıb. Ancaq Elnur Amanov (58 kq), Rövşən Məmmədov (68 kq), Ramin Əzizov (80 kq) və Təvəkkül Bayramovdan (+80 kq) ibarət milli komandamız mükafatçılar sırasına düşə bilməyib.

Püşkün nəticəsinə əsasən, Ələkbər İmaməliyevin rəhbərlik etdiyi kollektiv Belarus və Avstriya ilə birgə C qrupunda yer alıb. Hər iki rəqibinə 4:0 hesabı ilə qalib gələn yığmamız 1/4 finala qrup lideri qismində vəsiqə qazanıb. Bu mərhələdə isə taekvondoçularımızın qarşısını almaniyalı həmkarları kəsib. Milli komandamız 1:3 hesabı ilə uduzduğundan, çempionatla erkən vidalaşıb. Həm kişilərin, həm də qadınların turnirində qızıl medallara Türkiyə sahib çıxıb.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib