Bakı. Kənan Həsənov - APA-Sport. Bu gün Almaniyanın Drezden şəhərində start götürən XXXVIII Şahmat Olimpiadasında milli komandalarımızın rəqibləri müəyyənləşib. “APA-Sport”un məlumatına görə, Fikrət Sideyfzadənin başçılıq etdiyi kişilərdən ibarət yığmamız qara fiqurlarla Makedoniyaya qarşı oynayacaq.

Komandamızın lideri Teymur Rəcəbov (2752) Vladimir Georgiyev (2517), Şəhriyar Məmmədyarov (2731) Trajko Nedev (2525), Qədir Hüseynov (2650) Zvonko Stanoyoski (2502), Rauf Məmmədov (2631) isə dördüncü lövhədə Aleksandr Koloviçlə (2458) oynayacaq. Reytinqinə görə yığmamızın üçüncü şahmatçısı olan Vüqar Həşimov (2703) bu turda istirahət edəcək.

Qadın yığmamız isə ilk oyununu qara fiqurlarla turnirin favoriti Rusiyaya qarşı keçirəcək. Bu görüşdə Zeynəb Məmmədyarova (2351) dünya çempionu Aleksandra Kostenyuk (2525), Türkan Məmmədyarova (2269) Tatyana Kosintseva (2513), Xəyalə İsgəndərova (2206) Nadejda Kosintseva (2468), Nərmin Kazımova (2171) isə Yekaterina Korbutla (2459) qarşılaşacaq. Nərgiz Umudova (2219) bu turu kənardan izləyəcək.

Qeyd edək ki, 11 turdan ibarət olan yarışın mükafatları uğrunda 154 kişi və 116 qadın yığması mübarizə aparacaq. Olimpiada noyabrın 25-də başa çatacaq.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib