2014-cü il Qış Olimpiya Oyunları Soçidə keçiriləcək, təşkilatçılıq hüququ Rusiyadan başqa ölkəyə verilməyəcək. Apasport.az saytının məlumatına görə, bu haqda Avropa Olimpiya Komitəsinin (EOC) prezidenti Patrik Hikki qurumun Türkiyənin İstanbul şəhərində keçirilən EOC-un Baş Assambleyasında məlumat verib.

Rusiyanın Soçi şəhərində təhlükəsizlik təminatının aşağı səviyyədə olması üzündən 2014-cü il olimpiadasının başqa ölkəyə keçirilməsi təklifini Gürcüstan irəli sürüb. Gürcüstan tərəfi münaqişədə olduğu Cənubi Osetiya ilə Soçinin qonşuluqda yerləşməsini səbəb göstərib.

Lakin EOC-un siyasətlə məşğul olmadığını bildirən P.Hikki Soçi-2014-ün təşkilat komitəsi və Rusiya hökumətinin verdiyi təminatın Beynəlxalq Olimpiya Komitəsini tam qane etdiyini vurğulayıb.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib