Qran-Pri turniri əsas favoritlərindən birini itirib. Apasport.az saytının məlumatına görə, buna Maqnus Karlsenin yarışın növbəti mərhələlərinə qatılmaqdan boyun qaçırması səbəb olub.

Apreldə Bakıda təşkil olunan ilk mərhələnin qalibi olan norveçli vunderkind bununla bağlı FİDE-ni də məlumatlandırıb. O, quruma göndərdiyi məktubda imtinasının səbəbini dünya şahmat tacı uğrunda mübarizənin sistemində dəyişikliklə izah edib. 18 yaşlı qrossmeyster bildirib ki, indiki vəziyyətdə Qran-Pri turnirinə qatılmaq onun üçün heç bir maraq kəsb etmir.

Qeyd edək ki, turnirin sayca üçüncü mərhələsi dekabrın 13-dən 29-dək Rusiyanın Elista şəhərində təşkil olunacaq. Bu mərhələyə Azərbaycan yığmasının üzvlərindən Teymur Rəcəbov, Şəhriyar Məmmədyarov və Vüqar Həşimov qatılacaqlar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”