Bu gün güləş üzrə növbəti Azərbaycan çempionatı start götürüb. Apasport.az saytının məlumatına görə, Bakı İdman Sarayında təşkil olunan yarışda öncə mübarizəyə yunan-Roma güləşçiləri qoşulublar.

Çempionatın ilk günündə 4 çəki dərəcəsində qaliblər müəyyənləşib. Elçin Əliyev (55 kq), Fuad Əliyev (60 kq), Şalva Qadabadze (96 kq) və Cəlal Bahadurov (120 kq) fəxri kürsünün ən yüksək pilləsinə qalxıblar. Elçin və Fuad öz çəkilərində Pekin Olimpiadasının gümüş mükafatçıları Rövşən Bayramov və Vitali Rəhimovun dincəlmələrindən məharətlə yararlanıblar.

Sabah 66 kq, 74 kq və 84 kq-da Azərbaycan çempionları bilinəcək. Sərbəst güləşçilər isə dekabrın 20-21-də xalça üzərinə çıxacaqlar. Güləş Federasiyasının rəhbərliyi ölkə çempionuna 3000, onun məşqçisinə 1000 manat mükafat verir. Bundan başqa, 2-ci yerin sahibi 2000, bürünc medalçı isə 1000 manat qazanır.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”