Azərbaycan şahmatçısı Şəhriyar Məmmədyarov Rusiyanın Elista şəhərində keçirilən Qran-Prinin VIII turunda növbəti heç-heçəsini rəsmiləşdirib. Apasport.az saytının məlumatına görə, həmvətənimiz Rusiya təmsilçisi Ernesto İnarkiyevlə xalları bölüb. Tərəflər 51-ci gedişdə “sülh” bağlayıblar.

Bu, Məmmədyarovun turnirdə ardıcıl 8-ci heç-heçəsi olub. Bütün görüşlərini bərabərliklə başa vuran Şəhriyar hazırda 4 xalla 5-8-ci yerləri bölüşdürür. Digər şahmatçılarımız Teymur Rəcəbovla Vüqar Həşimov öz aralarında heç-heçə oynayıblar. Buna görə də Həşimov 2-ci pilləyə enib (5 xal). Rəcəbov isə 4,5 xalla 3-4-cü sıralarda qərarlaşıb.

Sabah növbəti, sonuncu Azərbaycan derbisi gerçəkləşəcək. Belə ki, Vüqar Şəhriyarı sınağa çəkəcək. Teymur Rəcəbov qara fiqurlarla ukraynalı Pavel Elyanova qarşı mübarizə aparacaq. 14 şahmatçının bir dövrəli sistem üzrə yarışdığı Qran-Pri dekabrın 28-də yekunlaşacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”