Türkiyə Üzgüçülük Federasiyasına prezident seçkilərində qəribə hadisə baş verib. Apasport.az saytının məlumatına görə, dünən Ankaranın “Sürməli” otelində keçirilən seçkidə qurumun rəhbəri vəzifəsinə iki namizəd - Əhməd Mazhar Bozdoğan və Tuğrul Dəllaloğlu mübarizə aparıb. Prezidentliyə iddialılar çıxış etdikdən sonra gizli səsvermə başlayıb.

Səslərin sayılması zamanı isə gözlənilmədən zərflərinin birinin içindən seçki bülleteni ilə yanaşı, prezervativ də çıxıb. Federasiyanın İdarə Heyəti prezervativli zərfi də hesaba alıblar. Maraqlıdır ki, seçkinin taleyini məhz bu zərf həll edib. Nəticədə Əhməd Mazhar Bozdoğan rəqibini 1 səs qabaqlayaraq, yenidən prezident seçilib.

Daha doğrusu, seçkiyə 198 səsvermə hüququna malik nümayəndədən 174-ü qatılıb. Bozdoğan 86, Dəllaloğlu 85 səs toplayıb, 3 bülleten isə yetərsiz sayılıb. Səsvermə gizli keçirildiyindən prezervativi zərfin içinə kimin qoyduğunu müəyyənləşdirmək müşkül məsələyə çevrilib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”