Şahmatçıların Peşəkar Assosiasiyası (ACP) 2008-ci ildə son reytinq cədvəlini açıqlayıb. Apasport.az saytının məlumatına görə, kişi şahmatçıların siyahısında təmsilçilərimizin sayı üçə çatıb.

ACP-nin təqviminə daxil olan dörd yarışda iştirak edən Teymur Rəcəbov xallarının sayını 892-yə çatdırsa da, bir pillə geriləyərək 7-ci yeri tutub. Üç turnirə qatılan Vüqar Həşimov isə əksinə, 7 pillə irəliləyib. Hesabında 722 xal olan qrossmeyster 10-cu yerə yüksəlib. Siyahıya daxil olan sonuncu təmsilçimiz Namiq Quliyevdir. Cəmi bir yarışda iştirak edən şahmatçımız 27 xalla 66-cı olub.

ACP-nin reytinq cədvəlinə, 6 turnirdə mübarizə aparan rusiyalı Dmitri Yakovenko (1477 xal) başçılıq edir.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”