Dopinqdən istifadə edən olimpiya çempionu bu titulunu itirməyəcək. Apasport.az saytının məlumatına görə, 2006-cı ildə İtaliyanın Turin şəhərində keçirilən Qış Olimpiya oyunlarında qızıl medal qazanan norveçli Lars Byustelin orqanizmində qadağan olunmuş preparat tapılıb. Xizəklə tramplindən tullanmaqda bir qızıl və iki bürünc əldə edən idmançı ölkə kubokundan sonra götürülən testdə yaxalanıb. Təkrar test də Larsın günahkar olduğunu təsdiqləsə, onun cəzalanacağı qaçılmazdır. Lakin onun Olimpiya medalından məhrum olunması gündəmdə deyil. Ötən il spirtli içkilərə meylliliyi ucbatından yığma komandadan qovulan idmançı ötən il qalmaqal iştirakçısı olub. O, içkili vəziyyətdə avtomobil idarə etdiyi üçün polis tərəfindən də yaxalanıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”