Afina Yay Olimpiya Oyunlarının bürünc medalçısı İradə Aşumova güllə atıcılığı üzrə Azərbaycan milli komandasının məşqçisi təyin olunub. Bu haqda apasport.az saytına Aşumova özü məlumat verib. O, fevralın 19-dan 23-dək Çexiyanın paytaxtı Praqada keçiriləcək Avropa çempionatına oynayan-məşqçi qismində yollanacaq.

51 yaşlı olimpiya mükafatçısı qitə birinciliyində qüvvəsini sınamaqla yanaşı, güllə atıcılığı yığmasına da rəhbərlik edəcək. Aşumova pnevmatik tapançadan atəş açacaq Ruslan Lunyov, Məmmədəli Abdullayev və Nigar Bağırovanı Avropa çempionatına hazırlaşdıracaq.

Pnevmatik tüfəng atəş açma turnirində isə ölkəmizin şərəfini 2 idmançı - Mehriban Məcidova və Aynur Qəhrəmanova qoruyacaq. Onlara qitə birinciliyi zamanı Olqa Stepanova başçılıq edəcək.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”