Kişi otüstü hokkeyçilərdən ibarət Azərbaycan milli komandası Misirin paytaxtı Qahirədə təşkil olunacaq beynəlxalq turnirdə mübarizə aparacaq. Bu haqda apasport.az saytına Azərbaycan Otüstü Hokkey Federasiyasının mətbuat katibi Yaqub Nuriyev məlumat verib.

Nuriyevin sözlərinə görə, fevralın 10-dan 20-dək davam edəcək yarışda yığmamızın qarşılaşacağı rəqiblər hələlik müəyyənləşməyib. Turnir milli komandamız üçün Avropa çempionatına hazırlıq xarakteri daşıyacaq.

Qeyd edək ki, Saleh Hüseynovla Yusif Qasımovun rəhbərlik etdiyi kollektiv iyulda Xorvatiyada keçiriləcək qitə çempionatının Çelenc I divizionunda oynayacaq. Avropa birinciliyinə yığmamızla yanaşı, Xorvatiya, Danimarka, Portuqaliya, Slovakiya, İsveç, Türkiyə və Ukrayna komandaları da qatılacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”