Bu gün kişi şahmatçılar arasında Azərbaycan çempionatına yekun vurulub. Azərbaycan Şahmat Federasiyasının mətbuat katibi Tural Baxışovun apasport.az saytına verdiyi məlumata görə, yarışda qələbə uğrunda 10 idmançı mübarizə aparıb.

Qızıl medala Rəşad Babayev layiq görülüb. Son turda Azər Mirzəyevlə heç-heçə oynayan Babayev 6,5 xalla birinci yeri tutub. Fərid Abbasov isə 9 mümkün xaldan 6-nı toplayaraq, gümüş medal qazanıb.

Federasiya rəhbərliyi ilk 5 pillə üçün müvafiq olaraq, 4000, 2500, 2000, 800 və 700 manat pul mükafatı ayırıb. Qadınların çempionatı sabah başa çatacaq. Sabah, həmçinin federasiya rəhbərliyi qalibləri mükafatlandıracaq.

Qeyd edək ki, kişilərin yarışına müəyyən səbəblər üzündən milli komandamızın üzvləri Teymur Rəcəbov, Şəhriyar Məmmədyarov, Vüqar Həşimov, Qədir Hüseynov və Rauf Məmmədov qatılmayıblar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”