“Biz Azərbaycan millisi ilə ciddi matçda səhv etməməliyik”

08.06.2013 - 09:39

“Milli komandamızın gələcək taleyin bir az narahatçılıq doğurur. Çünki Rusiyanı qarşıdakı Azərbaycan və Şimali İrlandiya yığmaları ilə ciddi matçlar gözləyir”. Apasport.az saytının məlumatına görə, bu fikirləri Moskva “Spartak”ın sabiq futbolçusu Valeri Reynqold deyib. “Sovetski Sport”un idman eksperti milli komandasının 2014-cü il dünya çempionatının seçmə mərhələsində Portuqaliya yığması ilə səfərdə 0:1 hesabı ilə uduzaraq, liderliyini əldən verməyindən sonra gələcəyi ilə bağlı narahatçılıq keçirir.

Onun sözlərinə görə, ruslar seçmə mərhələyə oktyabrda yekun vuracaqları Azərbaycanla oyuna ciddi sınaq kimi baxmalıdır: “Bizim hələ bir səhvə hüququmuz da var. Ancaq İsraillə oyunumuz da qalıb ki, buna görə tez arxayınlaşmamalıyıq. Toparlanıb, Azərbaycan, Şimali İrlandiya və İsraillə qalan matçlarımızda səhvə yol verməməliyik”.