Boks üzrə Azərbaycan millisinin Universiadaya hazırlıq planı məlum olub. Yığmamızın məşqçisi Nəriman Abdullayevin apasport.az saytına verdiyi məlumata görə, komandamız təlim-məşq toplanışına iyunun 17-də start verəcək.

Qəbələdə 5 gün hazırlıq keçəcək boksçularımız ayın 22-də Bakıya qayıdıb, 1 gün sonra Rusiyaya yollanacaqlar. Millimiz Moskva ətrafında yerləşən Çexov şəhərindəki “Mavi Şəhərcik” bazasında yerli yığma ilə birgə təlim-məşq toplanışına qatılıb, sınaq döyüşlərində güclərini yoxlayacaq.

Qeyd edək ki, Universiada iyulda Kazanda olacaq və Azərbaycan yarışda tam heyətlə mübarizə aparacaq.

• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək
• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi