Rusiyalılar Bakıya debütantlarla gəlmək istəyir

10.08.2013 - 13:53

Rusiya mətbuatı DÇ-2014-ün seçmə mərhələsinin Bakıda keçiriləcək son oyunu ilə bağlı planlarını açıqlayıb. Apasport.az saytının məlumatına görə, oktyabrın 15-də millimizin qonağı olacaq şimallıların iddiaları böyükdür.

Belə ki, açıqlanan plana əsasən Rusiya yığması həmin görüşədək artıq 1-ci yeri təmin edəcək. Bakıya isə əsasən debütantlarla yollanacaq rəqibimiz burada xal itirməyin də fərqinə varmayacaq: “Sentyabr-oktyabr aylarında Lüksemburqla 2 dəfə qarşılaşacağıq. Bu matçların arasında isə İsraillə çətin oyunumuz var. Bu görüşlərdən sonra isə Azərbaycana “cibimizdə” 1-ci yerlə gedə bilərik. Sanki yoxlama oyununa yollanacağıq. Fabio Kapello həmin matçda yeniləri yoxlaya bilər. Həmin oyunçuları ki. olar DÇ-2014-ün final mərhələsində lazım ola bilər”.