“Tuluza”nın futbolçusu Azərbaycanla oyuna hazır olacaq

20.08.2013 - 08:00

DÇ-2014-ün seçmə mərhələsində Azərbaycan milli komandasının rəqibi olan İsrail yığmasının futbolçusu Ben Basatın durumuna aydınlıq gəlib. Apasport.az saytının məlumatına görə, Fransanın “Tuluza” klubunun hücumçusu ölkə çempionatının ötən turunda aldığı zədədən sonra müayinədən keçib.

“Bordo” ilə qarşılaşmada (1:1) qol sevinci yaşayan. Lakin zədələndiyi üçün əvəzlənən Benın aldığı xəsarətin gözlənildiyi qədər ağır olmadığı müəyyənləşib. 26 yaşlı futbolçu artıq bu ayın son günlərindən məşqlərə başlaya biləcək. Bu da ona sentyabrda keçiriləcək seçmə mərhələsinin Azərbaycan və Rusiyaya qarşı oyunlarına hazır olmaq imkan verəcək.

Qeyd edək ki, İsrail – Azərbaycan oyunu sentyabrın 7-də Ramat-Qanda keçiriləcək.