Perunun paytaxtı Limada keçirilən stend atıcılığı üzrə dünya çempionatı davam edir. Apasport.az saytının məlumatına görə, mundialın ilk günləri Azərbaycan millisi üçün uğurlu alınmayıb.

Belə ki, hədəf önünə keçən 3 snayperimizdə dəqiqlik çatmayıb. Skit növündə mübarizə aparan Emin Cəfərov 112 xal toplayıb ki, bu da onun 56-cı olması ilə nəticələnib. Həmin növdə gənclərin yarışına qatılan Niyaz Ağazadə və Fuad Qurbanov da ümidləri doğrultmayıb. Onlar müvafiq olaraq, 33 idmançı arasında 27-ci və 29-cu yerləri tutublar.

Qeyd edək ki, sentyabrın 25-də başa çatacaq dünya çempionatında daha 3 idmançımız nəyə qadir olduğunu göstərəcək. Elvin İsmayılov böyüklərin, Əlimirzə Quliyev və Əli Hüseynli (hər üçü trap) isə gənclərin yarışında mübarizə aparacaq.

• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək
• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi