Azərbaycan – Rusiya oyununun biletləri satışa çıxarılır

20.09.2013 - 08:37

Azərbaycan milli komandasının DÇ-2014-ün seçmə mərhələsindəki son oyunlarının biletləri bu gündən satışa çıxarılır. Apasport.az saytının məlumatına görə, azarkeşlər oktyabrın 11-də Şimali İrlandiya, 4 gün sona Rusiya ilə baş tutacaq oyunlara biletləri bu gün saat 12:00-dan başlayaraq "Bakcell Arena"nın kassalarından, “Park Bulvar” alış-veriş və “28 MaII” ticarət mərkəzlərindən ala bilərlər.

8-ci km stadionunda ("Bakcell Arena") baş tutacaq görüşlərə biletlər həm ayrı-ayrılıqda, həm də cüt şəklində satılacaq. Belə ki, azarkeşlər istədiyi oyuna bilet almaq imkanı ilə yanaşı, hər 2 matçı izləmək üçün güzəştli bilet ala biləcək. Lakin bu güzəşt VİP sektora aid edilmir.
Qeyd edək ki, Rusiya ilə qarşılaşmaya biletlər Şimali İrlandiya ilə matçdakından bahadır.

Kateqoriyalar	Azərbaycan - Şimali İrlandiya (tək bilet)	Azərbaycan - Rusiya (tək bilet)	Azərbaycan - Şimali İrlandiya Azərbaycan - Rusiya (2 oyuna bir bilet )
1-ci kateqoriya	6 AZN	10 AZN	12 AZN
2-ci kateqoriya	4 AZN	8 AZN	10 AZN
VİP	50 AZN	100 AZN	---