Rusiya Azərbaycanla oyunun hazırlığına başlayır

12.10.2013 - 15:43

“Lüksemburqa qarşı yaxşı oynadıq”. Apasport.az saytının məlumatına görə, bunu Rusiya millisinin baş məşqçisi Fabio Kapello Lüksemburqa 4:0 hesabı ilə qalib gəldikləri oyundan sonra deyib.

Belə ki, DÇ-2014-ün seçmə mərhələsində Azərbaycanla eyni qrupda yer alan şimal qonşularımızın italiyalı çalışdırıcısı yığmamızla oyun barədə də danışıb. O bildirib ki, artıq millimizlə oyuna hazırlaşacaqlar: “ Lüksemburqla matç yüksək tempdə keçdi. Futbolçularımın qələbə istəyi böyük idi. Onlar pressinq tətbiq edərək, lazımlı 3 xal qazandılar. İndi Azərbaycanla matça hazırlaşacağıq”.

Qeyd edək ki, Azərbaycan – Rusiya matçı oktyabrın 15-də olacaq.