Beynəlxalq Сüdo Federasiyası yeni reytinq cədvəlini açıqlayıb. Apasport.az saytının məlumatına görə, yeni açıqlanan siyahı Azərbaycan millisinin aparıcı üzvləri üçün yenə uğursuz alınıb.

Belə ki, Peter Zayzenbaherin başçılıq etdiyi yığmamızda bu dəfə də irəliləyən cüdoçumuz olmayıb və yenə 5 idmançımız geriləyib. Onlardan ən çox aşağı düşən Ramilə Yusubova (63 kq) olub. Karyerası sual altında olan təmsilçimiz 10 rəqibini də özündən buraxaraq, 64-cü yerə enib. Tural Səfquliyev (81 kq) də geriləyənlər arasındadır. Həmyerlimiz 27-ci yeri 34-ə dəyişib. Bu idmançılar kimi Tərlan Kərimov, Nicat Şıxəlizadə (hər ikisi 66 kq) və Orxan Səfərov (60 kq) da mövqelərini qoruya bilməyiblər. Onlar müvafiq olaraq, 48-ci (-3), 12-ci və 23-cü (hərəyə -1) yerə eniblər.

Təmsilçilərimizdən İlqar Müşkiyev (60 kq), Rüstəm Orucov (73 kq), Elnur Məmmədli (81 kq), Şahin Qəhrəmanov (90 kq), Elxan Məmmədov, Elmar Qasımov (hər ikisi 100 kq) və Kifayət Qasımova (57 kq) isə yerlərində qalıblar. Onlar hazırda müvafiq olaraq, 15-ci, 13-cü, 52-ci, 7-ci, 1-ci, 7-ci və 16-cıdırlar.

Qeyd edək ki, bu idman növündə Olimpiadaya lisenziya reytinq cədvəlinə əsasən verilir.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək