Azərbaycanlı qrossmeyster Şəhriyar Məmmədyarovun iddiaçıların turnirində növbəti rəqibinin adına aydınlıq gəlib. Apasport.az saytının məlumatına görə, martın 12-30-da Xantı-Mansiyskdə baş tutacaq yarışda Pyotr Svidler də iştirak edəcək.

O, təşkilatçı ölkə - Rusiyanın təmsilçisi kimi həmyerimizə rəqib olmaq hüququ qazanıb.

Bu il ölkəsində çempion olan qrossmeyster iddiaçıların turnurundə Vladimir Kramnik, Levon Aronyan, Veselin Topalov, Dmitri Andreykin, Şəhriya Məmmədyarov və Sergey Karyakinlə mübarizə aparacaq.

Turnirin sonuncu – 8-ci iştirakçısının adına isə dünya tacı uğrunda Vişvanatan Anandla Maqnus Karlsen arasındakı oyunda aydınlıq gələcək. Noyabrın 7-də başlayan və 28-ə kimi davam edəcəyi gözlənilən qarşılaşmada qalib gələn dünya çempionu adını qazanacaq, məğlub olan isə yenidən iddiaçıların turnirinə qatılacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək