Beynəlxalq Сüdo Federasiyası yeni reytinq cədvəlini açıqlayıb. Apasport.az saytının məlumatına görə, noyabr ayı üçün açıqlanan siyahını Azərbaycan millisinin aparıcı üzvləri üçün uğurlu saymaq olar.

Belə ki, müəyyən müddətdən sonra Peter Zayzenbaherin yetirmələrindən geriləyən olmayıb. Əvəzində Elnur Məmmədli (81 kq) və Kifayət Qasımova (57 kq) rəqiblərinin zəif çıxışı səbəbindən 1 pillə qabağa gediblər. Onlar hazırda müvafiq olaraq, 51-ci və 15-ci yerlərə yüksəlib.

Digər cüdoçularımız - İlqar Müşkiyev, Orxan Səfərov (hər ikisi 60 kq), Nicat Şıxəlizadə (66 kq), Tərlan Kərimov (66 kq), Rüstəm Orucov (73 kq), Tural Səfquliyev (81 kq), Şahin Qəhrəmanov (90 kq), Elxan Məmmədov, Elmar Qasımov (hər ikisi 100 kq) və Ramilə Yusubova (63 kq) mövqelərini qoruyublar. Onlar müvafiq olaraq, yenə 15-ci, 23-cü, 13-cü, 48-ci, 14-cü, 34-cü, 7-ci, 1-ci, 7-ci və 66-cı pillədədirlər.

Qeyd edək ki, bu idman növündə Olimpiadaya lisenziya reytinq cədvəlinə əsasən verilir.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək