Beynəlxalq Şahmat Federasiyası (FİDE) yeni reytinq cədvəlini açıqlayıb. Apasport.az saytının məlumatına görə, noyabr ayı üçün açıqlanan siyahının ilk “yüzlüy”ündə 1 qrossmeysterimiz irəliləyib, 2-si isə geriləyib.

Belə ki, yığmamızın ötən ay Avropa çempionu olmasına baxmayaraq, liderlər Şəhriyar Məmmədyarovla Teymur Rəcəbov hərəyə 1 rəqibini irəli buraxıblar. Onlar hazırda müvafiq olaraq, 11-ci və 34-cü yerə eniblər. Məmmədyarovun aktivində 2757, Rəcəbovun isə 2713 reytinq xalı var.

Onlardan fərqli, Rauf Məmmədov “99-u” 91-ci pilləyə dəyişib. Həmyerlimiz 2656 xala malikdir.

Qeyd edək ki, ilk “üçlük”də dəyişiklik olmayıb. Reytinq cədvəlinə yenə norveçli Maqnus Karlsenin (2872) başçılıq edir. Levon Aronyan (Ermənistan, 2803) ikinci olduğu cədvəldə Vladimir Kramnik (Rusiya, 2793) ilk “üçlüyü” qapayır.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək