Misli Premyer Liqasının XIII turunda “Kəpəz”lə qarşılaşacaq “Araz-Naxçıvan” hazırlığını davam etdirir. 

Apasport.az xəbər verir ki, bunu Muxtar Respublika təmsilçisinin mətbuat xidməti açıqlayıb.

Komanda bu gün “Dalğa Arena”nın ehtiyat meydanında məşq keçib. Bir neçə fiziki təmrinləri yerinə yetirən futbolçular daha sonra ikitərəfli oyunla hazırlığı yekunlaşdırıb. 

Zədəli olan İqor Ribeyro fiziki hazırlıq üzrə məşqçinin nəzarəti altında fərdi çalışıb. Onun “Kəpəz”lə matçda meydana çıxıb-çıxmayacağı oyun günü məlum olacaq. 

Qeyd edək ki, “Araz-Naxçıvan” – “Kəpəz” oyunu noyabrın 10-da “Dalğa Arena”da keçiriləcək. Saat 19:00-da başlayacaq görüş “CBC Sport”la canlı yayımlanacaq. Matçı stadiondan izləmək istəyən azarkeşlər üçün giriş sərbəst (biletsiz) olacaq.

• II Liqa: III turun oyun cədvəli açıqlanıb
• "Neftçi"nin futbolçuları üçün seminar keçirilib
• Mehman Hacıyevin xatirəsi bir dəqiqəlik sükutla yad olunacaq
• Rəhim Həsənov mübahisəli epizodları dəyərləndirdi – Hakimlərin qərarlarını doğru saydı - VİDEO
• Kərimovdan "Sabah" etirafı: "SƏVİYYƏ BAXIMINDAN ÇOX AŞAĞIDAYIQ"