İstanbul Prokurorluğunun Türkiyə futbolunda qanunsuz mərclərlə bağlı apardığı istintaq çərçivəsində həbs qərarı verilən 14 futbolçudan birinin Azərbaycan millisinin sabiq üzvü olduğu müəyyənləşib.

Apasport.az xəbər verir ki, söhbət 26 yaşlı mərkəz müdafiəçisi İsmail Karakaşdan gedir. O, vaxtilə Azərbaycanın U-17 və U-19 yığmalarında çıxış edib.

Karakaş U-19 millisinin heyətində 3, U-17 millisində isə 11 oyunda forma geyinib. Müdafiəçi 2017-ci ildə Bakıda keçirilən U-17 Avropa çempionatında da iştirak edib. O, həmin turnirdə Portuqaliya (0:5), Belçika (1:1) və Şotlandiya (0:1) ilə matçlarda Azərbaycan millisinin şərəfini qoruyub.

Hazırda İsmail Karakaş Türkiyənin “Erciyes 38” klubunun formasını geyinir.

• Yeni məşqçi “Neftçi” ilə məşqə çıxdı: TƏYİNATI AÇIQLANACAQ
• “Turan Tovuz”un hazırlıq planı bəlli olub
• "Karvan-Yevlax" futbolçusu ilə yollarını ayırıb
• "Difai" 5, "Şəfa" 2 qolla qalib gəldi
• "Araz-Naxçıvan" Qara Qarayevlə yollarını ayırdı