Yeni sponsoruna qovuşan “Mingəçevir”də islahatlar başlayıb.
Apasport.az saytının əldə etdiyi məlumata görə, klub heyətini gücləndirmək üçün işlərə start verib.
Hazırda baxışa 10-a yaxın futbolçu cəlb olunub. Onlar komandanın düşərgəsində birgə məşqlər keçirlər.
Həmin oyunçuların hamısı yerli futbolçulardır. Əksəriyyəti Mingəçevir futbol məktəbinin yetirmələridir.
Aralarında “Qəbələ” akademiyasının üzvü də yer alır. Onlarla bağlı qərar növbəti həftələrdə veriləcək.
Komanda yanvarın 19-da "Qəbələ" ilə yoxlama matçında üz-üzə gələcək. Baş məşqçi Füzuli Məmmədov həmin futbolçuları bu oyunda sınaqdan keçirəcək. Qənaətbəxş nəticə göstərən oyunçularla yollara davam ediləcək.
Xatırladaq ki, “Mingəçevir”lə Azerbaijan Sport Talents Academy (ASTA) arasında tərəfdaşlıq müqaviləsi imzalanıb.
Qeyd edək ki, I Liqanın ikinci hissəsinə yanvarın 29-da start veriləcək.
Oxşar xəbərlər
Ana səhifə
Bütün xəbərlər
Hesabım