Misli Premyer Liqasının 2025/26 mövsümü 101 futbolçunun turnirdə debütü ilə əlamətdar olub.

Apasport.az xəbər verir ki, onlardan 17-si yerli, 84-ü legioner statuslu futbolçudur.

“Qəbələ” və “Karvan-Yevlax”da daha çox – hərəsində 14 debüt gerçəkləşib. “İmişli” 13, “Kəpəz”, “Neftçi” və “Şamaxı” hərəyə 10 yeni oyunçuya Premyer Liqada ilk matça çıxmaq imkanı verib.

“Sumqayıt” 8, “Sabah” 7, “Qarabağ” 6, “Turan Tovuz”la “Araz-Naxçıvan” hərəyə 4 debütanta şans verib. “Zirə”də hamıdan az – cəmi 1 belə oyunçu meydana çıxıb.

12 klubdan yalnız 6-da yerli futbolçu debüt edib. “Qəbələ” bu göstəricidə liderdir – 5 oyunçu. “Şamaxı”da 4, “İmişli”də 3, “Kəpəz”lə “Karvan-Yevlax”ın hərəsində 2, “Sumqayıt”da 1 azərbaycanlı debüt şansı əldə edib.

• “Apasport”un baş redaktoru ilin jurnalisti seçilib
• “Sabah”ın komandaları ili qələbə ilə bitirdilər
• Azərbaycan idmançısı 2 illik diskvalifikasiya olunub
• "Turan Tovuz" futbolçusu ilə yolları ayırıb
• “Gəncə” voleybol komandasında ayrılıq yaşanıb