“Yanvarın 15-də bir sıra KİV-də şahmatın 2015-ci ildə Bakıda keçiriləcək I Avropa Oyunlarının proqramına daxil edildiyi haqda məlumatı Oyunların Təşkilat Komitəsi təkzib edir və xəbərin yanlış olduğunu bildirir”. Lent.az-ın məlumatına görə, bu barədə “Bakı-2015” Təşkilat Komitəsinin rəsmi açıqlamasında deyilir.

Mətbuat üçün press-relizdə qeyd edilir ki, ilk Avropa Oyunlarının proqramında 18 idman növü - su idmanı, oxatma, atletika, badminton, basketbol 3x3, çimərlik futbolu, boks, kanoe, velosiped idmanı, qılıncoynatma, gimnastika, cüdo, karate, atıcılıq, stolüstü tennis, taekvondo, triatlon, voleybol və güləş yer alacaq. Bunlardan bir çoxunun keçiriləcəyi məkanlarının tikintisi artıq başa çatıb.

Xatırladaq ki, şahmatın I Avropa Oyunlarının proqramına salındığına dair açıqlamanı gənclər və idman naziri Azad Rəhimov azərbaycanlı qrossmeyster Vüqar Həşimovun dəfn mərasimində verib: “Şahmat olimpiya növü olmasa da, Avropa Olimpiya Komitəsinin xüsusi qərarına əsasən, karate ilə birgə qeyri-olimpiya növü kimi proqrama salınıb”.

Qeyd edək ki, gələn il iyunun 12-də start götürəcək I Avropa Oyunlarına Avropanın 49 ölkəsindən 5400 idmançı qatılacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək