Sabah start götürəcək 2018-ci ilin Qış Olimpiya Oyunları yeni rekordla əlamətdar olacaq. Apasport.az saytının məlumatına görə, yaponiyalı idmançı Noriaki Kasai Cənubi Koreyanın Pxençxan şəhərində start xəttinə çıxmaqla “Ağ Olimpiada”ların rəmzinə çevriləcək.

Belə ki, xizəklə tramplindən tullanma yarışlarında mübarizə aparan asiyalı özünün 8-ci olimpiadasında qüvvəsini sınayacaq. Bu, Qış Olimpiya Oyunları tarixində yeni rekorddu.

46 yaşlı yaponiyalı 1992-ci ildən sonra bütün Qış Olimpiya Oyunlarında iştirak edib.

İndiyədək Kasai 7 yarışda mübarizə aparmaqla rekordun şəriki idi. Onun kimi rusiyalı kirşəçi Albert Demçenko da eyni sayda olimpiadada çıxış edib.

Qeyd edək ki, Kasai əvvəlki 7 cəhdində 2 gümüş və 1 bürünc medala yiyələnib.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb