İtaliyanın Rozeto-deli-Abrutsi şəhərində gənc boksçular arasında Avropa birinciliyi davam edir. Apasport.az Boks Federasiyasının saytına istinadən məlumat verir ki, yarışın beşinci günündə Azərbaycan millisinin daha 3 idmançısı növbəti döyüşünə çıxıb. Onlar yarımfinala gedən yolda mübarizəni dayandırıblar.

1/4 final çərçivəsində keçirilən döyüşlərdə Maqsud Xasmetovla (49 kq) İsmayıl Yaqubov (91 kq) rusiyalı, Səbuhi Abışov (64 kq) danimarkalı boksçuya məğlub olub.

Beləliklə, 1/4 final qarşılaşmaları başa çatdığından, birinciliyin yarımfinalçıların adları müəyyənləşib. Bu mərhələdə ölkəmizin 2 boksçusu mübarizə aparacaq. Nurlan Səfərov (60 kq) hollandiyalı van Peer Casla, Nicat Həsənov (69 kq) şotlandiyalı Samuel Hikki ilə qüvvəsini sınayacaq. 

Qeyd edək ki, yarışda bu gün istirahət günüdü. Yarımfinal döyüşləri sabah, final qarşılaşmaları aprelin 25-də olacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb