Avropa Oyunlarının gümüş mükafatçısı, cüdoçu Orxan Səfərovun əməliyyatı uğurla keçib. APA TV-nin xəbərinə görə, Acıbadem Fulya Sporcu Sağlığı Mərkəzində əməliyyat olunan cüdoçumuz şəxsi “Facebook” səhifəsində fotosunu yayıb. Orxan Səfərov əməliyyatın uğurla keçdiyini bildirib.

Qeyd edək ki, Orxan Səfərov iyunun 25-də Avropa Oyunlarının gümüş medalını qazanıb. Final görüşündə Rusiya təmsilçisi, dünya çempionatının gümüş mükafatçısı Beslan Mudranovla üz-üzə gələn cüdoçumuz qızıl medal şansını son 17 saniyədə itirib. Görüşün sonunda ayağından zədələnən Orxan Səfərov rəqibinə qarşı fənd işlətmək istəyərkən ippona düşüb.

Orxan Səfərov həmin görüşdə aldığı zədəsini sağaltmaq üçün Türkiyəyə gedib. Həkimlər əvvəlcə ona bir ilə müalicə olunmaqla tam sağalacağını deyiblər. Daha sonra əməliyyat olunmaq məsləhət görülüb. Orxan Səfərov iki aydan sonra məşqlərə başlayacaq.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO