Beynəlxalq Cüdo Federasiyası yeni reytinq cədvəlini açıqlayıb. Apasport.az saytının məlumatına görə, siyahı Azərbaycan millisinin aparıcı üzvləri üçün uğurlu alınıb.

Belə ki, cüdoçularımızın əksəriyyəti mövqelərini qorumağı bacarıblar. İlk “onluq”da yer alan təmsilçilərimizdən Rüstəm Orucov yenə 2-ci, Hidayət Heydərov (hər ikisi 73 kq) 4-cü, Elxan Məmmədov 3-cü, Elmar Qasımovla İrina Kindzerskaya (+78 kq) 6-cıdı. Onlardan fərqli, Orxan Səfərov (60 kq) və Nicat Şıxəlizadə (66 kq) irəliləyib. Həmyerlilərimiz hərəyə 1 rəqibini qabaqlamaqla, müvafiq olaraq, 2-ci və 5-ci yerə qalxıblar.

Digər cüdoçularımıza gəlincə, Vüqar Şirinli (60 kq), Rüfət İsmayılov (81 kq), Məmmədəli Mehdiyev (90 kq), Uşanqi Kokauri (+100 kq), Aişə Qurbanlı (48 kq) və Nəzakət Əzizova (52 kq) da eyni pillədə qalıblar. Təmsilçilərimiz müvafiq olaraq, 29-cu, 22-ci, 15-ci, 20-ci, 39-cu və 30-cu yerdədi. 

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM