Fövqəladə Hallar Nazirliyinin (FHN) şahmat üzrə keçirdiyi çempionat bu gün başa çatıb. Apasport.az saytının məlumatına görə, İdman-Sağlamlıq Klubu və Həmkarlar İttifaqının birgə təşkilatçılığı ilə Tikintidə Təhlükəsizliyə Nəzarət Dövlət Agentliyində baş tutan yarışda 17 komandanın 70-ə yaxın əməkdaşı mübarizə aparıb.
Beynəlxalq dərəcəli hakim Namiq İsmayılovla Vitali Sapranovun idarə etdiyi turnirdə fərdi və komanda hesabında qaliblər müəyyənləşib. 5 günlük mübarizənin ardından şəxsi yarışda çempion adına Orxan Əbilov (İzatop Xüsusi Kombinatı) yiyələnib. İkinci yeri Səmədağa Paşayev (Mülki Müdafiə Qoşunları), üçüncü pilləni Anar Seyidov (Əsaslı Tikinti İdarəsi) tutub.
Komanda hesabında isə Tikintidə Təhlükəsizliyə Nəzarət Dövlət Agentliyi bütün rəqiblərini qabaqlayıb. Gümüş medallara FHN-nin Akademiyası sahib olduğu halda, “üçlüy”ü Xüsusi Riskli Xilasetmə Xidmətinin işçiləri qapayıb.
FHN-in İdman-Sağlamlıq Klubunun rəisi, polkovnik Fizuli Musayev və FHN-in Həmkarlar İttifaqının sədri Mehman İsmayılov çempionatda fərqlənənləri təbrik edərək, onları diplom, medal, kubok və qiymətli hədiyyələrlə mükafatlandırıblar.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib