Rusiyanın Veliki Novqorod şəhərində akrobatika gimnastikası üzrə “Zolotov Cup” adlı beynəlxalq turnir keçirilib. Azərbaycan Gimnastika Federasiyasından apasport.az saytına verilən məlumata görə, yarışda yığmamızın üzvləri üçün uğurlu alınıb.

Komandamız Rusiyada 3 medal qazanıb. Belə ki, 11-16 yaş qrupunda yer alan kişi cütlüyümüz Murad Rəfiyev - Daniel Abbasovun icra etdikləri kompozisiyaların hakimlər tərəfindən ən yüksək xalla qiymətləndirilməsi (83.400) gimnastlarımızı fəxri kürsünün ilk pilləsinə yüksəldib.

13-19 yaş qrupunda çıxış edən Ruhidil Qurbanlı - Abdulla Əl Məşayxidən ibarət qarışıq cütlüyümüz isə 85.450 xalla, yalnız Almaniya komandasından geri qalaraq, gümüş medal qazanıb. Eyni yaş qrupunda olan digər cütlüyümüz Nurcan Cabbarlı - Ağasif Rəhimov isə 4-cü yerdə qərarlaşıblar.

Sonuncu medal sevincini qadın qrup komandamız yaşadıb. 12-19 yaş kateqoriyasında çıxış edən təmsilçilərimiz Emiliya Nəzərli, Ləman Məmmədova və Raziyə Seyidlinin çıxışları da gümüş medalla qiymətləndirilib.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM