Dünya Taekvondo Federasiyası aprel üçün reytinq cədvəlini açıqlayıb. Apasport.az saytının məlumatına görə, Olimpiya çəkiləri üzrə açıqlanan ilk “onluq”da dünya çempionumuz Milad Beiqi Harçeqani (80 kq) mövqeyini qoruyub.

Olimpiya mükafatçımız 444,93 xala sahibdi. İlk pillənin sahibi Şeyx Saleh Junior Sisse (Fil Dişi Sahili) təmsilçimizi 91,07 xal qabaqlayır.

Olimpiya çempionumuz Radik İsayev (+80 kq) isə üçüncü pilləyə enib. Aktivində 413,44 xal olan taekvondoçumuz lider rusiyalı Vladislav Larindən 45,35 xal geri qalır.

68 kq çəki dərəcəsində yığmamızın lideri Ayxan Tağızadə də geriləyib. Həmyerlimiz 1 rəqibini özündən irəli buraxmaqla, 9-cu pilləyə düşüb. Onun aktivində 190,63 xalı var.

Qeyd edək ki, qadın taekvondoçuların reytinqində ilk “onluq”da Azərbaycan millisinin üzvləri yer almayıblar. 

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb